学员撞邪?

刊登于 2015-06-03By 希素All, 绿色健康

喺我响度返左几日工既一日早上,我去帮A学员搽药膏。

B学员静静行到我背后 ,指住我背后既一团空气破口大骂:「行开啦!唔好搞个新姑娘!!成日搞搞震。」

之后佢仲好似追住团空气去到墙角打团空气 ,当时房入边无其他staff,房灯都未开 。

因为其他学员未起床,我周围望确认无其他人,到底个学员讲边个?

我心入边寒左寒,搽完药膏之后同B学员讲:「好喇好喇,姑娘走喇,佢都唔会再搞到我架喇。姑娘知你乖,你都快啲训喇。你咁早起未训够架。」

之后佢就乖乖返上床,后来睇返个学员既history 原来有schizophrenia(精神分裂症)。

患者会睇到、听到、感觉到正常人睇唔到、听唔到、感觉唔到既事物,即係会有幻觉。

至于果位学员,到底只係有幻觉定真係见到有「嘢」,我就唔谂咁多喇。当然係要当佢係有幻觉,但又唔可以否定佢地既说话内容。因为咁样既话就会好难同佢地建立到关係,然后好难继续沟通落去。

咁佢地都会好难同我地合作去比我地帮佢地。

所以我喺度,要好好磨练同学员既沟通技巧,去同佢地建立therapeutic relationship(治疗性关係)。

学员撞邪?

cc photo via flickr user jonfeinstein

相关文章